| लोकमाध्यम न्युज जळगांव | दि. २८ जानेवारी २०२६ : बारामती (प्रतिनिधी) : महाराष्ट्राचे उपमुख्यमंत्री अजित पवार यांचा आज बारामती विमानअपघातात मृत्यू झाला आहे, अशी प्राथमिक माहिती मिळाली आहे. या भीषण अपघातात त्यांच्यासह विमानावर असलेले सहकारी व चालक दलाचे सदस्य यांचा देखील मृत्यू झाला, अशी अधिकृत माहिती उपलब्ध झाली आहे.
मिळालेल्या अहवालानुसार, पवार हे मुंबईहून बारामतीकडे प्रवासा दरम्यान विमानात होते. बारामती विमानतळावर लँडिंग करताना तांत्रिक अडचणींमुळे विमान नियंत्रण हरवून धावपट्टीच्या जवळ एका शेतात कोसळले आणि आग लागली, अशी प्राथमिक माहिती आहे. 
घटना घटल्यावर रुग्णवाहिका व बचावपथक घटनास्थळी दाखल झाले. प्राथमिक अहवालानुसार विमानात एकूण सहा प्रवासी होते, ज्यात उपमुख्यमंत्री पवार, सुरक्षा कर्मचारी तसेच विमानाचे चालक व सहकारी सदस्य होते. सर्वांचा मृत्यू झाला आहे, हे स्थानिक प्रशासनाने स्पष्ट केले आहे.
अपघाताच्या कारणाची चौकशी सुरू
या अपघाताचे नेमके कारण शोधण्यासाठी मंत्री व नागरी विमान चालन महानियंत्रण (DGCA) यांचे तज्ज्ञ आणि स्थानिक अपघात तपास पथक घटनास्थळी पोहोचले आहेत आणि प्राथमिक चौकशी सुरू आहे.
