जळगांव जिल्हा पोलीस क्रिडा स्पर्धा समारोप व बक्षीस वितरण समारंभ
कुलगुरू डॉ. श्री. व्ही. एल माहेश्वरी, यांच्या हस्ते बक्षीस वितरण
लोकमाध्यम न्युज | जळगांव ४ डिसेंबर २०२४ |
35 वी जळगांव जिल्हा पोलीस क्रिडा स्पर्धा-2024 या दि. 02/12/2024 ते दि. 04/12/2024 या कालावधीत पोलीस कवायत मैदानावर आयोजीत करण्यात आल्या होत्या. सदर स्पर्धेचा शुभारंभ दि. 02/12/2024 रोजी झालेला होता. तसेच आज दि. 04/12/2024 रोजी सदर स्पर्धेचा समारोप व बक्षिस वितरण समारंभ मा. डॉ. व्ही. एल माहेश्वरी, कुलगुरु कवियत्री बहिणाबाई उत्तर महाराष्ट्र विद्यापीठ जळगांव यांचे शुभ हस्ते संपन्न झाला असून सदर बक्षीस वितरण समारंभा चे अध्यक्ष जळगांव जिल्हा पोलीस अधीक्षक डॉ महेश्वर रेड्डी ,किशोर चौधरी शिवछत्रपती पुरस्कार विजेते व अपर पोलीस अधीक्षक चाळीसगाव श्रीमती कविता नेरकर यांच्या उपस्थितीत पार पडला.
सदर क्रिडा स्पर्धे मध्ये पोलीस मुख्यालय,जळगांव/ भुसावळ,चाळीसगांव,पाचोरा,चोपडा/अमळनेर, फैजपुर / मुक्ताईनगर या विभागातील पुरूष व महीला अशा एकुन 125 खेळाडुंनी भाग घेतला होता. या स्पर्धा अतिशय अतितटीच्या झाल्या असुन या वर्षी वैय्यक्तीक खेळामध्ये धावणे,उंच उडी, कुस्ती, गोळा फेक, वेल लिफ्टिंग, भाला फेक, ज्युडो, स्विमिंग, बॉक्सिंग ईत्यादी वैयक्तीक व हॉकी, फुटबॉल, कबड्डी, व्हॉलीबॉल सारख्या सांधिक क्रिडा स्पर्धाचे आयोजन करण्यात आले होते.
या सर्व स्पर्धांमध्ये जिल्ह्यातील खेळाडुंनी अतिशय उत्साहाने भाग घेतल्यामुळे या स्पर्धा अत्यंत चुरशिच्या झाल्या. सदर स्पर्धेमध्ये भाग घेतलेल्या खेळाडुंनी ईशेंच्या भावनेने खेळल्यामुळे यास्पर्धा अत्यंत प्रेक्षणीय झाल्या.
बक्षीस समारंभात 100 मीटर पुरुष स्पर्धेत पोलीस कॉन्स्टेबल समीर पठाण व 100 मीटर महिला स्पर्धेत महिला पोलीस कॉन्स्टेबल अश्विनी कोंडके यांना बेस्ट प्लेयर चे बक्षीस देण्यात आले जिल्ह्यातील विजयी संघ व खेळाडु आगामी परिक्षेत्रीय क्रिडास्पर्धे मध्ये सहभागी होतील.सदर क्रिडा स्पर्धा यशस्विरित्या पार पाडण्यासाठी शहरातील विविध क्रिडा संस्थांचे प्रतिनीधी, पंच, क्रिडापटु, या सर्वांचे सहकार्य लाभले.
