लोकमाध्यम न्युज | जळगाव २९ ऑगस्ट २०२४ |
जिल्हा क्रीडा अधिकारी कार्यालय व जिल्हा टेबल टेनिस असोसिएशनच्या संयुक्त विद्यमाने छत्रपती शिवाजी महाराज जिल्हा क्रीडा संकुल येथे राष्ट्रीय क्रीडा दिनाच्या औचित्याने टेबल टेनिस प्रशिक्षण केंद्राचा गुरुवारी शुभारंभ झाला.
प्रशिक्षणार्थी जिल्हाधिकारी कु.व्ही. केजो,माजी आमदार मधु जैन, जिल्हा क्रीडा अधिकारी रविंद्र नाईक यांनी टेबल टेनिस खेळून केंद्राचा शुभारंभ केला.
यावेळी छत्रपती शिवाजी महाराज क्रीडा पुरस्कारार्थी डॉ. प्रदीप तलवेलकर,फारूक शेख, असोसिएशनचे सचिव विवेक आळवणी, राजेश जाधव, इकबाल मिर्झा आदी उपस्थित होते. सूत्रसंचलन सहसचिव राजु खेडकर यांनी केले.असोसिएशनचे उपाध्यक्ष चंद्रशेखर त्रिपाठी, सहसचिव सुनील महाजन ह्यांनी केंद्राला शुभेच्छा दिल्या.
सकाळी ६ ते ८ व संध्याकाळी ६ ते ८ या वेळेत बेसिक, इंटर्मिजीएंट व ऍडव्हान्स ट्रेनिंग याचबरोबर योगा आणि फिटनेस संदर्भात मार्गदर्शन करण्यात येणार आहे.
प्रशिक्षक आकाश कासार हे खेळाडूंना प्रशिक्षण देणार आहेत. तरी खेळाडूंनी ह्याचा लाभ घ्यावा असे आवाहन जिल्हा क्रीडा अधिकारी कार्यालय व जिल्हा टेबल टेनिस असोसिएशनतर्फे करण्यात आले आहे.
