लोकमाध्यम न्युज | जळगांव ९ डिसेंबर २०२४
बांधकाम परवानगी व भोगवटा प्रमाणात देण्यासाठी १५ हजारांची लाच स्वीकारतांना जळगाव महापालिकेच्या नगर रचना सहाय्यकास अटक करण्यात आली आहे. या कारवाईने महानगरपालिका परिसरात खळबळ उडाली आहे. ९ डिसेंबर रोजी ही कारवाई करण्यात आली.
जळगाव महानगरपालिकेतील नगर रचना विभागाचा नगर रचना सहाय्यक मनोज समाधान वन्नेरे यास लाच स्वीकारताना लाच लुचपत विभागाच्या पथकाने ताब्यात घेतले आहे.
खेडी बुद्रुक येथील नागरिकास बांधकामाचे परवानगीचे व बांधकाम झालेले घराचे भोगवटा प्रमाणपत्र देण्याचे प्रकरण मंजूर करण्यासाठी परवानगीसाठी नगर रचना विभाग मनपा येथे एकूण 3 प्रकरणे दाखल केली आहेत. पहिल्या प्रकरणात पडताळणी करण्यासाठी पाठवले असता नगर रचना सहाय्यक मनोज समाधान वन्नेरे याने याने पहिल्या प्रकरणात 21 हजार व तडजोड अंती 15 हजार व व दुसऱ्या प्रकरणात 15 हजार रुपयाची आयुक्त, मनपा जळगाव व सहाय्यक संचालक (अतिरिक्त कार्यभार ) नगर रचना विभाग, मनपा जळगाव यांचेसाठी एकूण 30 हजाराची मागणी करून पहिल्या प्रकरणात 15 हजार रुपयांची लाच आज रोजी स्वीकारले. याबाबत गुन्हा दाखल करण्यात आला आहे.
हा सापळा पोलीस उपअधीक्षक योगेश ठाकूर यांच्या पथकाने लावला होता. पथकात पोलीस उपनिरीक्षक दिनेशसिंग पाटील, सुरेश पाटील, पोना किशोर महाजन , राकेश दुसाने यांच्या पथकाने केली. त्यांना ही कारवाई पोलीस अधीक्षक शर्मिष्ठा घारगे-वालावलकर यांच्या मार्गदर्शनात केली.
