भाजपा सदस्य नोंदणीत महाराष्ट्रात जळगाव जिल्हा महानगर चा पाचवा क्रमांक

| लोकमाध्यम न्यूज | जळगांव ७ फेब्रुवारी २०२५ |

भाजप महाराष्ट्र संघटन पर्व सक्रिय सदस्य नोंदणी कार्यशाळा मुंबई येथे संपन्न झाली असून, या कार्यशाळेत सदस्य नोंदणी अभियानात महाराष्ट्रातील आघाडीवर असणाऱ्या (टॉप फाईव्ह) जिल्हाध्यक्षांचा सन्मान करण्यात आला.यात महाराष्ट्रातील एकमेव व जळगाव महानगर जिल्हाध्यक्ष उज्वला बेंडाळे यांचा सन्मान महाराष्ट्राचे मुख्यमंत्री देवेंद्र फडणवीस यांच्या हस्ते करण्यात आला. याप्रसंगी केंद्रीय संघटन मंत्री शिवप्रकाश, प्रदेशाध्यक्ष चंद्रशेखर बावनकुळे कार्याध्यक्ष रवींद्र चव्हाण, मा.ना.चंद्रकांत दादा पाटील, ना.पंकजा मुंडे ना.प्रवीण दरेकर यांच्या प्रमुख उपस्थितीत सन्मान करण्यात आला.

गत जानेवारी महिन्यापासून महाराष्ट्रात सदस्यता नोंदणी महाअभियान राबविण्यात आले आहे. यात जळगाव जिल्ह्यात ना. गिरीश महाजन केंद्रीयमंत्री ना. रक्षा खडसे खा. स्मिता वाघ, ना. संजय सावकारे आ. सुरेश भोळे राजु मामा, आ. मंगेश चव्हाण, आ. अमोल जावळे व जिल्हाध्यक्ष उज्वला बेंडाळे यांच्या मार्गदर्शनात जळगाव जिल्ह्यात व महानगरात अभियान राबविण्यात आले असून यात उत्कृष्ट कामगिरी केल्याबद्दल सन्मान मिळाला. जळगाव शहरातील पदाधिकारी व कार्यकर्त्यांचे आभार व अभिनंदन केले आहे.