| लोकमाध्यम न्यूज | जळगांव दि. ८ : महाराष्ट्र शासन शालेय शिक्षण विभाग व राज्य शैक्षणिक संशोधन व प्रशिक्षण परिषद महाराष्ट्र राज्य यांच्या संयुक्त विद्यमाने राज्यातील शिक्षकांसाठी आयोजित दर्जेदार शैक्षणिक व्हिडीओ निर्मिती स्पर्धा 2023 चा पारितोषिक वितरण समारंभ नुकताच माध्यमिक पतपेढी रत्नागिरी या ठिकाणी संपन्न झाला.
रत्नागिरी जिल्ह्यातील सह्याद्री शिक्षण संस्थेच्या न्यू इंग्लिश स्कूल व ज्युनिअर कॉलेज खेर्डी चिंचघरी सती विद्यालयातील तंत्रस्नेही,स्पर्धा परीक्षा मार्गदर्शिका कु.शर्मिला शिवराम म्हादे 6 वी ते 8 वी गटात गणित विषयांमध्ये तालुकास्तरावर तृतीय व जिल्हास्तरावर व्दितीय तर 9 वी ते 10 वी गटात तालुक्यात व्दितीय व जिल्हास्तरावर प्रथम येण्याचा मान पटकावला आहे.सुशील सुरेश शिवलकर डाएट प्राचार्य जिल्हा शिक्षण व प्रशिक्षण संस्था रत्नागिरी,राजेंद्र सुभाष लठ्ठे अधिव्याख्याता, जिल्हा शिक्षण व प्रशिक्षण संस्था रत्नागिरी,अध्यक्ष माध्यमिक शिक्षक पतपेढी रत्नागिरी सागर पाटील यांच्या हस्ते रोख रक्कम,सन्मानचिन्ह,व प्रमाणपत्र देऊन गौरविण्यात आले.
शर्मिला शिवराम म्हादे यांच्या या यशाबद्दल सह्याद्री शिक्षण संस्थेचे कार्याध्यक्ष आमदार शेखर निकम ,संस्थेचे सेक्रेटरी महेश महाडिक,संस्थेचे जेष्ठ संचालक शांताराम खानविलकर,संस्थेचे सर्व पदाधिकारी,विद्यालयाचे मुख्याध्यापक संजय वरेकर,पर्यवेक्षक पांडुरंग पाटील व आसावरी राजेशिर्के,सर्व शिक्षक,शिक्षकेत्तर कर्मचारी, पालक,व विद्यार्थी यांच्यावतीने अभिनंदन करण्यात आले.
