लोकमाध्यम न्युज जळगाव दि. ७ जून २०२५ : मेहरुण परिसरातील महाजन नगर मधील विसपुते चारुदत्त संतोष वय 21 भारतीय सैन्यात अग्नीवीर म्हणून भरती झाला आणि त्याचे स्वप्न साकार झाले. त्याचे परिसरातील माजी नगरसेवक प्रशांत नाईक आणि रहिवाश्यांनी ढोल ताशांच्या गजरात जल्लोषात स्वागत केले.
याप्रसंगी सोबत बंडु वाणी , ज्ञानेश्वर आंधळे, किशोर नेमाडे, भिकन पाटील, विनोद शेवाळे, मुकेश नाईक, संजय देवरे, भारत पाटिल , शरद पाटील ,निलेश कासार,कल्पेश सोनार ,राजेश बनछोडे, विजय कासार ,तुषार नेमाडे, गोलु पांडे,मोंटि राजपुत, अनिकेत चौधरीगौरव सोनार ,सर्व धारकरी,परिसरातील सर्व माता भगिनी उपस्थित होते. चारुदत्त वीिसपुते वकरच देशसेवेसाठी रुजू होणार आहे.
जळगाव येथे नुतन महाविद्यालयात कला शाखेत द्वितीय वर्षात शिक्षण घेत असलेल्या चारुदत्त ने 2024 मध्ये मैदानी परीक्षेत उत्तम गुण मिळवून उत्तीर्ण झाला व त्याची 2024 ला अग्निवीर पदासाठी नियुक्ती झाली.मध्य प्रदेश येथे 05 जुन रोजी प्रशिक्षण पूर्ण झाल्यानंतर आता कारगील येथे आपल्या देशासाठी सशस्त्र सेवा बजावणार आहे. सीमेवर सेवेसाठी जाण्याअगोदर आपल्या गावी आलेल्या चारुदत्त या अग्निवीर सैनिकाचे ग्रामस्थांनी ढोल ताशांच्या गजरात, फटाक्यांची आतषबाजी करत, ध्वनीक्षेपकावरून देशभक्तीपर गाणी वाजवत, गुलाल उधळत मोठ्या जल्लोषात मिरवणूक काढली.
