| लोकमाध्यम न्युज जळगाव | दि. २७ ऑक्टोंबर २०२५ : जळगाव येथील कानळदा रोडवरील हरि ओम नगर परिसरात महादेव मंदिराच्या प्रांगणात कार्तिकी एकादशी उत्सवानिमित्त श्रीमद् भागवत कथेचे आयोजन करण्यात आलेले आहे.
कार्तिक महिन्यातील या भागवत कथेच्या श्रवणाचे विशेष महत्त्व असून सोमवार दिनांक २७ ऑक्टोबर ते रविवार दिनांक २ नोव्हेंबर २०२५ रोजी दररोज पहाटे ५.३० वाजता काकड आरती,दुपारी २ ते ५ वाजता श्रीमद् भागवत कथा, संध्याकाळी ६ वाजता हरिपाठ आणि रात्री ८.३० वाजता हरि कीर्तन संपन्न होणार आहे. कथेचे निरूपण ह भ प देवदत्त महाराज जळगावकर हे करणार असून
रविवार दिनांक २ नोव्हेंबर रोजी दुपारी ३ वाजता दिंडी सोहळा होईल आणि सोमवार दिनांक ३ नोव्हेंबर २०२५ रोजी सकाळी ९ वाजता गोपाळकाल्याच्या कीर्तनाने सप्ताहाची सांगता होईल
दररोज जास्तीत जास्त भाविकांनी कथा, कीर्तन श्रवणाचा लाभ घ्यावा असे आवाहन आयोजकांनी केले आहे.
