भगवान शिवावर अखंड श्रद्धा, प्रेम आणि समर्पण ठेवून केलेली उपासना म्हणजे शिवभक्ती – देवदत्त महाराज

|लोकमाध्यम न्युज | : जळगाव शहरातील पंचमुखी हनुमान मंदिरा मागील गणेश वाडी दत्त मंदिर परिसरात दरवर्षीप्रमाणे ह्या वर्षी सुद्धा श्री शिव महापुराण कथेचे बुधवार दिनांक ४ मार्च ते १० मार्च दरम्यान आयोजन करण्यात आले आहे. रणरणत्या उन्हात आणि तप्त वातावरणात सुद्धा असंख्य असंख्य भाविकांची कथेला उपस्थिती असते.

शिव भक्ती म्हणजे भगवान शिवावर अखंड श्रद्धा, प्रेम आणि समर्पण ठेवून केलेली उपासना आहे,ॐ नमः शिवाय मंत्र जप हा शिवाचा सर्वात प्रभावी मंत्र आहे. रोज जप केल्याने मन शुद्ध होते.महामृत्युंजय मंत्र जप हा मंत्र आरोग्य, दीर्घायुष्य आणि संकटांपासून संरक्षण देतो. असे ह भ प देवदत्त महाराज जळगावकर यांनी कथेचे निरूपण करतांना सांगितले. सोमवार दिनांक ९ मार्च रोजी कथेमध्ये शिवपार्वती विवाह कथा संपन्न होणार आहे.

तसेच कथेच्या दरम्यान दररोज रात्री सात ते दहा वाजेला संगीत भजन संध्या होत असून उज्वला ताई वर्मा हे भजन तसेच सुंदरकांड सादर करीत आहेत. सोमवार दिनांक ९ मार्च रोजी रात्री सात वाजेपासून खाटू श्याम बाबा दरबार आयोजित करण्यात आलेला आहे 

दिनांक १९ मार्च मंगळवार रोजी संध्याकाळी कथा झाल्यानंतर साडेपाच वाजता ग्रंथाची शोभायात्रा निघेल.

दिनांक ११ मार्च बुधवार रोजी सकाळी दहा वाजता गोपाळकाल्याचे किर्तन होऊन महाप्रसाद संपन्न होईल

जास्तीत जास्त भाविकांनी या कथा श्रवणाचा लाभ घ्यावा असे आवाहन संजय चौधरी विठोबा तसेच नगरसेविका मंगलाताई संजय चौधरी यांनी केले आहे.