अखेर महायुतीच्या उमेदवारांची यादी आली समोर …! जळगाव मनपाच्या १९ प्रभागांमधील चित्र स्पष्ट
| लोकमाध्यम न्युज जळगाव | दि. ३० डिसेंबर २०२५ : जळगाव महानगरपालिकेच्या सार्वत्रिक निवडणुकीसाठी महायुतीतील भारतीय जनता पक्ष, शिवसेना व राष्ट्रवादी काँग्रेस (अजित पवार गट) यांची प्रभागनिहाय उमेदवार यादी अखेर अंतिम झाली असून, १ ते १९ या सर्व प्रभागांतील अ, ब, क, ड जागांवर उमेदवार निश्चित करण्यात आले आहेत. आरक्षणानुसार उमेदवार जाहीर झाल्याने शहरातील राजकीय वातावरण चांगलेच तापले असून प्रचाराला वेग आला आहे.
प्रभाग क्रमांक १ मध्ये अ जागेवर भाजपच्या रिटा विनोद सपकाळे, ब जागेवर दिलीप बबनराव पोकळे, क जागेवर संगीता दांडेकर तर ड जागेवर फरदीन फिरोज पठाण हे शिवसेनेच्या तिकिटावर निवडणूक लढवत आहेत.
प्रभाग क्रमांक २ मध्ये अ मधून सागर श्याम सोनवणे, ब मधून उज्वला किशोर बाविस्कर हे शिवसेनेकडून, तर क मधून पूजा विजय जगताप व ड मधून विजय लक्ष्मण बांदल हे भाजपकडून रिंगणात आहेत.
प्रभाग क्रमांक ३ मध्ये अ मधून भाजपच्या अर्चना संजय पाटील, ब मधून प्रतीक्षा कैलास सोनवणे, क मधून शिवसेनेचे प्रवीण रामदास कोल्हे तर ड मधून भाजपचे निलेश तायडे उमेदवार आहेत.
प्रभाग क्रमांक ४ मध्ये अ मधून भाजपच्या शशीबाई उर्फ शशिकला शिवचरण ढंडोरे, ब मधून विद्या मुकुंदा सोनवणे, क मधून कल्पेश कैलास सोनवणे तर ड मधून शिवसेनेचे पीयूष ललित कोल्हे निवडणूक लढवत आहेत.
प्रभाग क्रमांक ५ मध्ये अ मधून शिवसेनेचे विष्णू रामदास भंगाळे, ब मधून मंगला संजय चौधरी, क मधून भाजपच्या आशा रमेश पाटील तर ड मधून नितीन बालमुकुंद लढा यांना उमेदवारी देण्यात आली आहे.
प्रभाग क्रमांक ६ मध्ये चारही जागांवर भाजपने उमेदवार दिले असून अ मधून जयश्री अशोक धांडे, ब मधून सुचिता अतुलसिंह हाडा, क मधून अमित पांडुरंग काळे तर ड मधून दीपक प्रभाकर सूर्यवंशी निवडणूक लढणार आहेत.
प्रभाग क्रमांक ७ मध्ये अ मधून दीपमाला मनोज काळे, ब मधून अंकिता पंकज पाटील, क मधून विशाल सुरेश भोळे तर ड मधून चंद्रशेखर अत्तरदे हे भाजपचे उमेदवार आहेत.
प्रभाग क्रमांक ८ मध्ये अ मधून भाजपच्या कविता सागर पाटील, ब मधून मानसी निलेश भोईटे, क मधून अमर मोतीलाल जैन तर ड मधून शिवसेनेचे नरेंद्र आत्माराम पाटील राजपूत रिंगणात आहेत.
प्रभाग क्रमांक ९ मध्ये अ मधून मनोज सुरेश चौधरी, ब मधून प्रतिभा गजानन देशमुख हे शिवसेनेचे उमेदवार असून क मधून भाजपच्या जयश्री राहुल पाटील तर ड मधून डॉ. चंद्रशेखर शिवाजी पाटील निवडणूक लढवत आहेत.
प्रभाग क्रमांक १० मध्ये अ मधून सुरेश माणिक सोनवणे, ब मधून माधुरी अतुल बारी, क मधून कविता किरण भोई तर ड मधून जाकिर पठाण यांना भाजपने उमेदवारी दिली आहे.
प्रभाग क्रमांक ११ हा शिवसेनेकडे असून अ मधून डॉ. अमृता चंद्रकांत सोनवणे, ब मधून संतोष पाटील, क मधून सिंधुताई विजय कोल्हे तर ड मधून ललित विजय कोल्हे उमेदवार आहेत.
प्रभाग क्रमांक १२ मध्ये भाजपकडून अ मधून अनिल अडकमोल, ब मधून उज्वला बेंडाळे, क मधून गायत्री राणे तर ड मधून नितीन बरडे निवडणूक लढवत आहेत.
प्रभाग क्रमांक १३ मध्ये अ मधून नितीन सपके, ब मधून सुरेखा नितीन तायडे, क मधून वैशाली अमित पाटील हे भाजपकडून तर ड मधून राष्ट्रवादी काँग्रेस (अजित पवार गट) कडून प्रफुल्ल गुलाबराव देवकर रिंगणात आहेत.
प्रभाग क्रमांक १४ मध्ये अ मधून सुनील सुपडू महाजन, ब मधून जयश्री सुनील महाजन, क मधून राबियाबी अमजद खान तर ड मधून रितिक संजय ढेकळे उमेदवार आहेत.
प्रभाग क्रमांक १५ मध्ये अ मधून अरविंद देशमुख, ब मधून चेतन शिरसाळे हे भाजपकडून, क मधून शिवसेनेच्या रेश्मा कुंदन काळे तर ड मधून प्रकाश रावलमल बालानी निवडणूक लढवत आहेत.
प्रभाग क्रमांक १६ मध्ये अ मधून डॉ. विश्वनाथ सुरेश खडके, ब मधून वंदना संतोष इंगळे, क मधून रंजना विजय वानखेडे तर ड मधून सुनील वामनराव खडके हे भाजपचे उमेदवार आहेत.
प्रभाग क्रमांक १७ मध्ये चारही जागांवर राष्ट्रवादी काँग्रेस (अजित पवार गट) चे उमेदवार असून अ मधून हिना युनूस पिंजारी, ब मधून सुमय्या वसीम पिंजारी, क मधून इकबालुद्दीन जीयाउद्दीन पिरजादे तर ड मधून प्रशांत सुरेश नाईक निवडणूक लढवत आहेत.
प्रभाग क्रमांक १८ हा शिवसेनेकडे असून अ मधून डॉ. गौरव चंद्रकांत सोनवणे, ब मधून नलुबाई तुळशीराम सोनवणे, क मधून अनिता सुरेश भापसे उमेदवार आहेत.
प्रभाग क्रमांक १९ मध्ये अ मधून रेखा चुडामण पाटील, ब मधून विक्रम उर्फ गणेश किसन सोनवणे, क मधून निकिता अनिल देशमुख हे शिवसेनेकडून तर ड मधून राजेंद्र झिपरू घुगे पाटील यांचे नाव निश्चित करण्यात आले आहे.
