लोकमाध्यम न्युज | जळगांव १५ डिसेंबर २०२४
जळगाव जिल्हा कबड्डी असोसिएशनच्या मान्यतेने, भारतीय जनता पार्टी जळगाव जिल्हा महानगर क्रीडा आघाडी छत्रपती शिवाजी महाराज जिल्हा क्रीडा संकुल जळगाव येथे ५१वी कुमार/कुमारी गट जिल्हा अजिंक्यपदक व निवड चाचणी १४ व १५ डिसेंबर या कालावधीत स्पर्धेचे आयोजन करण्यात आले होते. या जिल्हास्तरीय स्पर्धेत कुमार गटातील १८ तर कुमारी गटातील १२ गटा असे एकूण ३० संघांचा सहभाग आहे.
या आमदार चषक जिल्हास्तरीय कबड्डी स्पर्धेच्या उद्घाटनाप्रसंगी जळगाव शहराचे आमदार राजुमामा भोळे, आमदार चंद्रकांत सोनवणे,भाजपच्या महानगराध्यक्षा उज्ज्वलाताई बेंडाळे, माजी महापौर सीमाताई भोळे, दीपक सूर्यवंशी, माजी नगरसेवक कैलाश अप्पा सोनवणे, भगत भाई बालानी, सदाशिवराव ढेकळे, विशाल त्रिपाठी, महेश जोशी, राजेंद्र घुगेपाटील, क्रीडा आघाडीचे महानगर अध्यक्ष अरुण श्रीखंडे, मुकुंद मेटकर, अमित काळे, भरत कर्डीले, सागर पाटील, शक्ती महाजन, राहुल पाटील, विनय चौधरी जळगांव जिल्हा कबड्डी संघटनेचे कार्याध्यक्ष शाम कोगटा, शिव छत्रपती राज्य क्रीडा पुरस्कारप्राप्त डॉ प्रदीप तळवेलकर व भाजपचे नगरसेवक, पदाधिकारी व कार्यकर्ते यांच्यासह विविध मान्यवर उपस्थित होते.
उद्घाटन प्रसंगी आमदार राजूमामा भोळे यांनी क्रीडा क्षेत्राला मी नेहमी मदत करत आलेलो आहे यापुढेही करत राहील यासाठी मी कटिबद्ध आहे असे प्रतिपादन केले.
प्रास्ताविक करत असताना जळगाव शहराचे आमदार राजुमामा भोळे हे नेहमी कबड्डी असो वा अजून कोणतेही खेळ असोत क्रीडा क्षेत्रात कोणत्याही प्रसंगी मदत करतात असे नितीन बरडे यांनी सांगितले.जळगाव जिल्ह्यातून कबड्डी क्षेत्रात चांगले खेळाडू तयार व्हावेत, या उद्देशाने भाजप जळगाव जिल्हा क्रीडा आघाडीच्या वतीने जळगाव जिल्हा कबड्डी संघटना व भारतीय जनता पार्टी क्रीडा आघाडी जळगाव यांच्या मार्गदर्शनाखाली स्पर्धेचे आयोजन करण्यात आले आहे.
स्पर्धा यशस्वीतेसाठी भारतीय जनता पार्टी क्रीडा आघाडी व जळगाव जिल्हा कबड्डी संघटनेचे कार्याध्यक्ष शामभाऊ कोगटा व सचिव नितीनभाऊ बरडे व जळगाव जिल्हा कबड्डी संघटनेचे पदाधिकारी यांच्या मार्गदर्शनाखाली सर्व कबड्डी खेळाडू प्रयत्नशील आहेत.
पंचप्रमुख म्हणून सुनील राणे हे काम पाहत आहेत.
