अधिक मासा निमित्त सुरभी व श्री सिद्धिविनायक महिला मंडळातर्फे श्री विष्णू सहस्र नाम पठण; श्री सिद्धिविनायक मंदिरात १७ जुन पर्यंत आयोजन

| लोकमाध्यम न्युज | जळगाव : अधिक मासा निमित्त जुने जळगावातील श्रीराम मंदिरात सुरभी व श्री सिद्धिविनायक महिला मंडळा तर्फे श्री विष्णूसहस्रनाम पठण करण्यात आले.

सुरवातीला ओम नमो भगवते वासुदेवाय चा जप करून पठनाला सुरवात करण्यात आली. रश्मिताई मंगेश महाराज जोशी, अध्यक्षा स्वाती कुळकर्णी व सर्व उपस्थित महिलांच्या हस्ते आरती करण्यात आली. स्वाती कुळकर्णी ह्यांनी सौ रश्मिताई जोशी ह्यांचा ओटी भरून सन्मान केला. उपस्थित महिलांनी , भगवान श्री राम, सिता व लक्ष्मणाला अधिक मासानिमित्त वाण लावण्यात आले. ह्यावेळी सुरभीच्या मानसी जोशी, ज्योती भोकरडोळे, पूनम जोशी, सुनीता सातपुते, आशा जोशी, सविता नाईक, स्मिता बंगाली व सदस्य तसेच श्री सिद्धिविनायक मंडळाच्या सदस्य व परिसरातील महिला उपस्थित होत्या.

रश्मिताई जोशी ह्यांनी स्वाती कुळकर्णी ह्यांचा शाल व श्रीफळ देऊन सन्मान केला. व उपस्थित सर्व महिलांची ओटी भरली. गणपतीची , देवीची, श्री रामाची व गोपाळ कृष्णाच्या आरतीने तसेच ऋचा मोहरीर ह्यांनी दिलेल्या प्रसादाने सांगता करण्यात आली.ह्यावेळी ह भ प श्री मंगेश महाराज जोशी उपस्थित होते.

१७ जुन पर्यंत पठणाचा कार्यक्रम सकाळी 8 वा कृषी कॉलनी येथील श्री सिद्धिविनायक मंदिरात सुरु रहाणार आहे. कार्यक्रम सर्वांसाठी असून उपस्थितीचे आवाहन अध्यक्षा स्वाती कुळकर्णी ह्यांनी केले आहे.