भुसावळात डबल मर्डर : पूर्व वैमनस्यातून हल्ल्याचा संशय

भुसावळ दि. ३० मे २०२४ : शहरातल्या गुन्हेगारीने पुन्हा डोके वर काढत बुधवारी रात्री ९.३० ते १० वाजेच्या सुमारास महामार्गालगत नवीन सातारा परिसरात पुलाजवळ जळगाव नाका लगत मरिमाता मंदिरा नजिक जुन्या वैमनस्यातून वाहनात बसलेल्या माजी नगरसेवक संतोष बारसे व सामाजिक कार्यकर्ता सुनिल राखुंडे या दोघांवर अज्ञात हल्लेखोरांनी बेछूट गोळ्या झाडत त्यांची हत्या केल्याची खळबळजनक घटना घडल्याने शहर हादरले आहे. जुन्या वादातून ही घटना घडली असल्याचे समजते.

पुन्हा एकदा गँगवार भडकले असल्याने ही गंभीर घटना घडल्याने पोलिस खात्या समोर आव्हान उभे ठाकले आहे. पोलिस घटनास्थळी पोहचले असून त्यांना तात्काळ उपचार करण्या दृष्टीने भुसावळ येथील खाजगी रुग्णालयात नेण्यात आले होते मात्र त्यांना डॉक्टरांनी मयत घोषित केले. यावेळी मयतांच्या नातेवाइकांची मोठी गर्दी पहावयास मिळत होती.

वरील घटनेची माहिती समजताच सर्व वरिष्ठ पोलिस अधिकारी पोलीस अधिक्षक डॉ.महेश्वर रेड्डी , अप्पर पोलीस अधीक्षक अशोक नखाते यांचे सह स्थानिक पोलीस निरीक्षक घटनास्थळी रवाना झाले. शहरात या घटनेमुळे तणावाची परिस्थिती लक्षात घेवून कुठेही अनुचित घटना घडू नये या साठी योग्य ती खबरदारी घेतली जात आहे. पोलिस बंदोबस्तात वाढ करण्यात आलीआहे.भुसावळ शहर पोलिस ठाण्याचे पोलिस निरीक्षक गजानन    पडघन व त्यांची टीम हल्लेखोरांचा मागोवा घेवून त्यांचीमाहिती संकलित करत आहेत. हल्लेखोरांना लवकरात लवकर ताब्यात घेण्यासाठी कर्मचाऱ्यांना रवाना करण्यातआले आहे.

या गोळीबाराच्या घटनेत मयत झालेल्या दोघांचे मृतदेह शव विश्वेदनकरण्यासाठी जळगाव येथील शासकीय महाविद्यालय येथे पाठविण्यात आले आहेत.