श्रीराम प्राथमिक व माध्यमिक विद्यालयात छत्रपती शिवाजी महाराज यांची जयंती उत्साहात साजरी

• जळगांव दि.२० : मेहरुण येथील श्रीराम प्राथमिक व माध्यमिक विद्यालयात छत्रपती शिवाजी महाराज यांची जयंती उत्साहात साजरी करण्यात आली यावेळी कार्यक्रमाचे  अध्यक्षस्थानी संस्थेचे सचिव अशोक लाडवंजारी हे होते. तर प्रमुख अतिथी संस्थेचे उपाध्यक्ष बाळाजी सानप ,संस्थेचे संचालक वासुदेव सानप, गजानन लाडवंजारी, भगवान लाडवंजारी, संतोष चाटे व संचालिका संध्याताई वंजारी  तसेच माध्यमिक विद्यालयाचे मुख्याध्यापक दिवाकर जोशी व प्राथमिक विद्यालयाच्या मुख्याध्यापिका ईश्वरी इखे आदी प्रमुख अतिथी म्हणून उपस्थित होते

कार्यक्रमाची सुरुवात शिवाजी महाराज यांच्या प्रतिमा पूजनाने झाली यावेळी अध्यक्ष व प्रमुख अतिथी यांनी छत्रपती शिवाजी महाराजांचे पूजन केले. अध्यक्ष व प्रमुख अतिथी यांचा सत्कार विद्यालयाच्या वतीने करण्यात आला.

या कार्यक्रमांमध्ये इयत्ता सातवी व आठवीच्या विद्यार्थ्यांनी बाल शिवाजी ,स्वराज्य शपथ विषयक, अफजल खान वध, व छत्रपती शिवाजी महाराजांचा राज्याभिषेक या विषयी नाटक व कार्यक्रम सादर केले. यावेळी बाल शिवाजी व अफजलखान वध नाटकामध्ये शिवाजीची भूमिका करणारा ओम शिंदे याचे कौतुक करण्यात आले .नाटकांना कार्यक्रमाचे अघ्यक्ष अशोक लाडवंजारी यांनी प्रथम बशिक्ष दिले ,संस्थेचे संचालक भगवान लाडवंजारी यांनी 501 रुपये बक्षीस दिले. तसेच कार्यक्रमाचे प्रमुख अतिथी संस्थेचे संचालक गजानन लाडवंजारी यांनी या नाटकांमध्ये भाग घेणाऱ्या विद्यार्थ्यांना 101 रुपये बक्षीस  दिले.

कार्यक्रमाचे नियोजन व सूत्रसंचालन सांस्कृतिक प्रमुख संनो पिंजारी यांनी केले तर आभार अतुल चाटे यांनी मानले. कार्यक्रम यशस्वितेसाठी साठी श्रीराम प्राथमिक माध्यमिक विभागातील सर्व शिक्षक व कर्मचारी यांनी सहकार्य व परिश्रम घेतले.