किशोर से कुमार तक संगीत कार्यक्रमाचे जळगावात आयोजन : गीत संगीताची जादू अनुभवण्याची रसिकांना पर्वणी
आयोजकांकडून उपस्थितीचे आवाहन
लोकमाध्यम न्युज | जळगाव १८ ऑक्टोबर २०२४ |
रामलालजी चौबे मेमोरियल ट्रस्ट प्रायोजित ‘मल्हार संगीत प्रतिष्ठान प्रस्तुत ‘किशोर से कुमार तक’ संगीत सोहळ्याचे आयोजन दिनांक 19 ऑक्टोबर 2024 रोजी शहरातील छत्रपती संभाजी राजे नाट्यमंदिर येथे सायंकाळी 7:00 ते 10:00 या वेळेत आयोजित करण्यात आल्याची माहिती प्रतिष्ठानचे संचालक डॉ. सुशीलकुमार राणे यांनी आयोजित पत्रकार परिषदेत दिली.
पत्रकार परिषदेत बोलतांना सांगितले की, सर्व पिढ्यांमध्ये संगीत आणि सांस्कृतिक कलांची आवड निर्माण व्हावी या हेतूने आम्ही मेगा-इव्हेंट – लाइव्ह ऑर्केस्ट्रा सोबत – ‘किशोर से कुमार तक’ हा उपक्रम सुरू केला असून यावेळी उप शास्त्रीय संगीत आणि समकालीन स्वरांच्या मंत्रमुग्ध सोहळ्याला जळगावकरांनी अवश्य उपस्थित राहून संगीताची जादू अनुभवावी असे आवाहन आयोजकांच्या वतीने करण्यात आले आहे.
यावेळी पत्रकार परिषदेला मल्हार संगीत प्रतिष्ठानच्या वतीने डॉ.सुशीलकुमार राणे, डॉ. विजय शास्त्री, गौरव मेहता, प्राजक्ता केदार, तृप्ती बाकरे, अमित माळी, नेहा नैनानी व झाकीर खान आदी उपस्थित होते.
