| लोकमाध्यम न्यूज | जळगांव २२ मार्च २०२५ |
जुने जळगाव येथील का.ऊ.कोल्हे विद्यालय मागील दशरथ नगर येथे श्री शिव महापुराण कथेस प्रारंभ झाला असून दिनांक २१ मार्च ते २७ मार्च दरम्यान रोज संध्याकाळी ७ ते १० ह्या वेळात भव्य संगीतमय श्री शिव महापुराण कथा होणार असून
कथेसाठी भव्य व्यासपीठ करण्यात आले आहे. आकर्षित १४ फूट उंच शिवलिंग मूर्ती कथेची आकर्षण बनली आहे. ह.भ.प.देवदत्त महाराज हे कथेचे निरूपण करत असून कथा श्रावणासाठी उत्तम बैठक व्यवस्था करण्यात आली आहे, कथेच्या पहिल्याच दिवशी दशरथ नगर व पंचक्रोशीतून भाविकांची प्रचंड उपस्थिती होती.
शिव महापुराणाचे महत्त्व तसेच कलियुगाचे वर्णन कथेच्या पहिल्या दिवशी सांगण्यात आले शिवनाम हे मनुष्याचे उद्धार करणारे असून शिव नामांनी कल्याण होते व जीवाचा उद्धार होतो. देव दानव आणि मानव हे शिवांचे भक्त आहेत कलियुगात शिव भक्ती ही अतिशय श्रेष्ठ भक्ती सांगण्यात आलेली आहे. शिवपुराण कथा ही मनाला आनंद देणारी सुंदर अशी कथा असून कलियुगात जो याचं श्रवण करतो त्या प्रत्येक जीवाला आत्मिक समाधान प्राप्त होते.
कथेला प्रारंभ करत असताना गणपती पूजन तसेच रुद्र पूजन वेदशास्त्र संपन्न स्वप्नील शुक्ल गुरुजी व मुकुंद शुक्ल गुरुजी यांच्या वेदमंत्रांमधून करण्यात आले. संगीतमय कथेसाठी प्रकाश अहिरे, कैलास परदेशी, राजेंद्र देशपांडे, शंभू सुतार तसेच सोपान पाटील यांची साथ संगत लाभत आहे. जास्तीत जास्त भाविकांनी कथा श्रावणाचा लाभ घ्यावा असे आवाहन युवा दशरथ नगर मित्र मंडळ व पवन रामदास कोळी यांनी केले आहे.
